Майрамдык оюндар.

Сиздин балаӊыздын туулган күнүнө даярданууну улантабыз. Бул макалада сиз эки жаштагы баланын туулган күнүн майрамдоо үчүн оюндардын үлгүсүн таба аласыз.

Бул курактагы балдардын кулк мүнөзүн жана өнүгүү деӊгээлин билүү татаал болгондуктан, балдар да жана аларга ылайык ойногон уулулар да катыша ала турган жөнөкөй активдүүлүктү тандоо керек.

Толкун

Жеӊил ачык түстөгү кездеме керек (3-4 метр). Эки чоӊ адам кездеменин учтарынан кармашат да, бир эле маалда экөө теӊ жогору карай курч кыймыл жасайт. Ошондо толкун алдынан чуркап өткөнгө жетишиш керек. Балдар тажап калганда кездемени полго төшөӊүз да, баланы анын борборуна турушун сунуштаӊыз. Биринчиден, кездеменин учтарын силкип койсок (бала толкундун ичинде болуп калат), сүрөт үчүн сулуу кадр пайда болот, экинчиден, Дюймовочканы ойногонго болот. Бул учурда кездеме жалбырактардын ролун ойнойт. Ачтык – жаптык… дагы ачтык, дагы жаптык.

Наклейкалар менен эстафета

Бөлмөнүн аягында тартылган эки үй менен плакатты илебиз. Экинчи аягында энелерге жана чоӊ энелерге наклейкалардын топтомун беребиз, алар сүрөттөрдү негизден клейинен ажыратып алышат да, балдардын колуна тапшырышат. Даярдалган наклейкалар менен плакатка чуркап келип, аны чапташ керек. Бала тажап кетпеш үчүн 5-6 жолу чуркайбыз. Биргелешкен чыгармачылык үчүн үндү катуу чыгарып мактайбыз.

Бул кимдин буюму?

Үйдө жашап жаткандардын бардыгынын буюмдарын кутуга же жөн эле креслого коебуз (2-3 төн эненики, атаныкы чоӊ эненики). Музыканы иштетебиз! Балага көз айнек үчүн футлярды, капчыктарды, кремдер менен банкаларды, заколкаларды жана башкаларды бала таратышы керек. Бардыгы колдонгон буюмду – телевизордун пультун, кашыкты, журналды, таракты дагы берүүгө болот. Ойлонуп көрсүн!

Эненин куйругу

Эненин белине бир учу жерге шалбырап турган лентаны байлайбыз, бул анын «куйругу» болот. Балдар лентаны кармап алып, бардык жерде энесинин аркасынан чуркашат. Көӊүлдүү ырды тандап алып, артистизимди көрсөтөбүз!

Клип тартабыз

Балаӊыздын жакшы көргөн музыкасын иштетебиз да чыныгы клип жасайбыз: көбүктөрдү чыгарабыз, бийлейбиз, кучакташабыз, свечаны үйлөйбүз.